Wednesday, December 4, 2013

LEKA PANTUN BUJANG IMUN

AIHHHHH....
   UJI ANANG GUAI RAGAK KITA KE NEMBIAK DI PUTING SETAK BEJENGKAK-JENGKAK NITI RUAI.
    UJI ANANG GUAI KIRUH KITAK KE BALA MAIOH KE BENUNG CAPUH BEGELUMU TUBUH DUDUK DI BALUH PAPAN LANDAI.
    AWAK KE TUBUH BIAK AKU NUSUN KE KITA PANTUN IMUN LEKA SEBANA KE BANGAT RAYA LAMA NGELEKAI DI LINTAN DALAM, NGICA KE BALA KITA ILA TAU JERA NTI NYEMA KITA TEDINGA CERITA SEBANA TI KELALU NGENUSAH AKAU SIANG MALAM, TI NGUJUNG KE AKU SINGKONG PATAH PATUNG LEMI DI LENGANPECAH PAH NGELI RARAH SEPIAK KANAN.

    BISI SUBA MAYA AKU AGI GAWA DI SERIA MENUA BERUNAI, DIA DEH AKU KAYA UDU SAMPAI KE DUIT RINGGIT AKU BERINDIT KEPIT PENUH KEREPAI, SAMPAI KE WANG MENANG AKU DI GELUMANG MENUH KE LUBANG KUCHIK BUJANG DI BAI PULAI,
    ENTI TUSI BULA DUIT AKAU MAYA NYA 6 BAKA 7 PEMANSAI, TAU MENUH KE PERAU KAYUH PANJAI 10 KE 11 BERINTAI, EHHHH......UDU PEMAYUH....MAYUH.....

AIIIHHHHH....
   TANG DIATU KENU KE JAKU DUIT AKU NADAI TEMU TUJU, UDAH NYADI ABU AMBIS LENGIS DI PUB BUGIS MENUA BERUNAI, KETEGAL KE NGIRUP ARAK KE NGASUH JEGAK LEMI KERIGAI, LALU KETEGAL TI NGUDAL PELAYAR CAP KAPAL TUNGKANG RIBAI.
   BISI DUIT RINGGIT SEKEDANYA DI AYAH KE AKU DI UTIL MURAH, MELI LELABI KE NADAI KAKI BULU BEKEJEPAI, KE TAU NGASUH PEGU NGERU TULANG BEGEREMAI, TI TAU NGASUH PANSUT AI LEMBUT LIKAT LIAT NAKA PENYAMAI, TI TAU NGASUH SAKIT AIDS JAMPAT..........PARAI.

AIIIHHHH......
   TO MEH NAKA PANTUN ARI BUJANG IMUN TI BEJULUK BAYA NGANTUK TEBING SUNGAI, IA TI TAU NGASUH SIDA KE INDU TERUS ISO ENTI NYEMA KENA TEGU IKU MANDI LEMAI, TI TAU NGASUH SIDA KE DARA GILA ENTI KENA SIPAT IKU LIAT LEBUH
KELIGAT NGIRIT PEMANSAI....EHHHHHH....CUKUP PEMISA...MISA.



*LEKA PANTUN TO AKU NDA NEMU SAPA KE NGEMPU, NYADI AKU SEMINA BEKUNSI KE NGAU KITA LEKA KE ULIH DIDINGA AKU BA YOUTUBE.....SAMA-SAMA MEH KITAI BELAJAR BEPANTUN KELEBIH AGI MAIN ASAL KITAI IBAN.

No comments:

Post a Comment